انواع المساعدات وقت تدريب الطفل

انواع المساعدات وقت تدريب الطفل:

١- مساعدة كلية ( بمسك ايد الطفل عشان ينفذ المهارة )

مثال : ( ركب البازل و حط الخروف مع الخروف وانا ماسكه ايده)

٢- مساعدة جزئية ( بمسك ايده في البداية او بمسك الاداة عشان اساعده و بعدين اسحب ايدي)

مثال مسكت معاه الخروف 🐏 ووجهته ناحية مكان التركيب وتركته يركب لوحده)

٣- مساعدة اشارية ( بشاور على الحاجة اللي عايزاه يعملها )

مثال : ( شاورت على الخروف 🐑 و على مكان التركيب و هو مسك و ركب وحده )

٤- مساعدة لفظية ( دي بتيجي بعد ما يتعرف على كل الاسماء وكل المفاهيم بقول الامر اللفظي او الطلب لفظيا بدون اي مساعدة وهو مجرد ما يسمع ينفذ )

مثال: ( قلتله ركب الخروف 🐑مع الخروف 🐑 بدون اي اشارة او اي مساعدة )

٥- بدون مساعدة تماما ( وهنا ادراك الطفل التام للمهمة و اداؤها بدون اي مساعدة )

مثال: ( الطفل بيركب البازل بشكل صحيح لوحده تماما )

هنطبق انواع المساعدات دي في كل المراحل من المرحلة الاولى للخامسة ♥️🙏

ملحوظة : كل مهارة هتستغرق من اسبوع لاسبوعين وممكن اقل حسب درجة ذكاء الطفل و حسب عدد ساعات التدريب و تنوع الادوات و طرق العلاج المتبعة 

🦋لا شيء يعادل قوة تأثير الوالدين عندما يصبحو مدربين لأبنائهم🦋

دراساتنا وابحاثنا اثبتت ان  الاطفال الذي يقوم والديهم بتدريبهم بالتعاون مع المركز والمتخصصين يحققون نسب نجاح و تطور اسرع من الاطفال الاخرين